LAPRIYÈ AK JÈN PART 4 - KÒMAN POU NOU FÈ PRIYÈ KI EFIKAS!!

5 Vues

  • Merci ! Partagez avec vos amis !

    Vous avez aimé cette vidéo, merci de votre vote !

Published
PRIYÈ KI EFIKAS
Jak 5:16
Pou nou ka geri, nou dwe konfese fot nou yo youn bay lòt epi priye youn pou lòt. Lè yon moun ap viv dwat devan Bondye, lapriyè moun sa a gen anpil pouvwa.

James 5:16 di yon priyè ki efikas e ki fèt ak fèvans, priyè sa a gen anpil valè. Mwen pa konn otè fraz sa a: “Priyè nou dwe vle di yon bagay pou nou si nou vle pou priyè a enpòtan pou bondye.” Yon bon egzanp yon priyè ki fèvan (dezespere) se priyè Ana (manman Samyèl) nan Premye Samyèl 1:8-20.

KÒMAN POU NOU FÈ YON PRIYE KI EFIKAS?
1.- PRIYE DAPRÈ VOLONTE BONDYE.
Yon priyè ki efikas se yonn ki baze sou volonte Bondye e ki pwodwi rezilta pozitif.

1 Jan 5:14-15
Sa a se konfyans nou genyen nan li: Si nou mande li yon bagay ki nan volonte li, li koute nou. 15 Si nou konnen tout sa nou mande, li koute nou, ebyen, nou konnen sa nou te mande l la, nou genyen li.

2.- RET ANKRE NAN JEZI
Jan 15:7
Si nou rete nan mwen epi pawòl mwen rete nan nou, nou mèt mande sa nou vle. Epi, Bondye ap fè li pou nou.

3.- PRIYE AK LAFWA
Jak 1:6
Men, se pou li mande ak lafwa, san li pa doute. Paske, yon moun k ap doute, li tankou yon lanm lanmè, van ap ni boulvèse, ni balanse.

Jak 5:15
Lè lapriyè a fèt ak konfyans, li va delivre malad la. Seyè a va fè l' leve gaya. Si li te fè kèk peche, Bondye va padonnen li.

4.- GEN PASYANS NAN LAPRIYÈ W
Yon kretyen ki vle gen efikasite nan lapriyè li pa dekouraje lè li pa jwen rezilta priyè yo imedyatman. Li kontinye priye ak lafwa kelkeswa konbyen tan sa pran.

Lik 18:1-7
Jezi di yo yon parabòl tou, pou montre yo dwe toujou lapriyè epi yo pa dwe janm lage. 2 Li di: Vwala se te yon jij nan yon vil. Li pa t gen ni krentif pou Bondye ni respè pou lèzòm. 3 Men, te genyen yon vèv nan vil sa a ki te konn vin di li: Rann mwen jistis kont advèsè m nan! 4 Pandan lontan, jij la pa t vle. Men, apre sa, li di tèt li: Menm si mwen pa gen ni krentif pou Bondye ni respè pou lèzòm, (Switch) 5 poutèt vèv sa a tounen yon nuizans pou mwen, fòk mwen rann li jistis. Osinon, nan vini konsa finalman l ap vini avek mwen 6 Epi, Senyè a di: Tande sa jij malonèt la di! 7 E Bondye, li menm? Moun li chwazi yo ap rele ba li lajounen kon lannuit. Malgre li pran pasyans pou l tire revanj pou yo, èske li p ap tire revanj pou yo?

Podcast sa-a transmèt an direk sou YouTube chak Lendi ant 2 - 4 PM. Si-w pa ko abone, fè sa kounyè-a.

Lien Facebook ak lien pou-w ka kontakte-m:
Facebook: https://www.facebook.com/profile.php?id=61554826302453
Twitter: https://twitter.com/DoctorDPierre
Instagram: https://www.instagram.com/DavidPierre1118
Email: TheClassroomWithDavidPierre@Gmail.com
Catégories
vidéos/films
Mots-clés
Haitian, Haiti, Chretien
Soyez le premier à commenter cette vidéo.